Ar gyfer pwy mae'r canllaw hwn?

Mae'r canllaw hwn ar gyfer weithwyr cyrff cyhoeddus yng Nghymru, Lloegr neu'r Alban sy'n:

• Caffael, comisiynu, adeiladu neu addasu deallusrwydd artiffisial (DA) ar gyfer eu gweithle neu'r gwasanaethau a ddarperir ganddynt
• Gyfrifol am wneud penderfyniadau am sut a phryd i gyflwyno DA
• Gyfrifol am ddefnyddio deallusrwydd artiffisial, neu sy’n goruchwylio ar unrhyw wasanaeth sy'n defnyddio deallusrwydd artiffisial
• Gyfrifol am hyfforddi staff sy'n defnyddio deallusrwydd artiffisial

Bydd hefyd yn ddefnyddiol i weithwyr sy'n gyfrifol am ddatblygu neu ddefnyddio DA fel rhan o wasanaeth y maent yn ei ddarparu ar ran corff cyhoeddus.

Beth sydd yn y canllaw hwn?

Mae'r canllaw hwn yn cynnwys:

• Esboniad o beth yw deallusrwydd artiffisial
• Arweiniad ar sut mae Dyletswydd Cydraddoldeb y Sector Cyhoeddus yn berthnasol pan fydd corff cyhoeddus yn defnyddio deallusrwydd artiffisial
• Rhestr wirio ar gyfer cyrff cyhoeddus

Nid yw'n cynnwys sut gall camddefnyddio deallusrwydd artiffisial arwain at dorri cyfreithiau eraill, megis Deddf Diogelu Data 2018 a Deddf Hawliau Dynol 1998.